“Қизилқум” ПФК Матбуот хизмати ташаббуси билан клуб расмий сайтида жамоанинг 2015 йилдаги “Энг яхши футболчиси” номинацияси ғолибини аниқлаш мақсадида сўров ўтказилди. Унда саккиз юз нафардан зиёд ишқибоз иштирок этди.
Сўровнома якунига кўра, Ўзбекистон XXIV миллий чемпионати тўурарларидан бири, ҳужумчи Баҳриддин Ваҳобов энг кўп — 579 овоз тўплашга муваффақ бўлди ва ҳақли равишда “Қизилқум”нинг ўтган мавсумдаги “Энг яхши футболчиси” деб топилди. Кейинги ўринларни жамоанинг умидли ва иқтидорли ярим ҳимоячиси Бобур Искандаров (278 овоз) ҳамда Шерали Жўраев (265 овоз)лар эгаллади.
Эслатиб ўтамиз, сурхондарёлик футболчи Баҳриддин Ваҳобов куни кеча, яъни 23 январда ўзининг ўттиз уч ёшини қаршилади. Фурсатдан фойдаланиб, моҳир ҳужумчимизга узоқ умр, сиҳат-саломатлик ва келажакдаги ишларига омадлар тилаймиз.
