Ўзбекистон профессионал футбол лигаси 2016 йилги мамлакат кубоги баҳслари учун қуръа ташлаш маросимини ўтказди.

Тўрт карра Ўзбекистон кубоги соҳиби, ўтган мавсум финалчиси Тошкентнинг “Бунёдкор” жамоаси баҳсларга 1/8 финал доирасидан қўшилади.

Ушбу босқичдаги рақибимиз “Оқ-тепа” ва “Обод” жамоалари ўртасидаги учрашувдан сўнг маълум бўлади. Ғолибни битта учрашув натижасига кўра аниқлайдиган “Оқ-тепа” – “Обод” қарама-қаршилиги “Наврўз” байрами арафасида аниқланади.

Нимчорак финалдан бошлаб баҳслар уй-сафар тизимида ўтказилади. Ушбу босқичнинг биринчи учрашувлари 25-26 март кунларига мўлжалланган. Жавоб ўйинлари эса 21 май куни ўтказилади.

Қайд этиш керакки, “қалдирғочлар” финалга қадар етиб боргудек бўлишса, бу орада амалдаги чемпион “Пахтакор” билан ҳам, амалдаги кубок соҳиби “Насаф” билан ҳам тўқнаш келмайди.

Ҳал қилувчи финал учрашуви 27 ноябрь санасига мўлжалланган