Бугун – 26 январь куни соат 14:00да жамоамиз аъзолари клуб базасида тўпланишди. Орадан бир соат вақт ўтиб, футболчилар майдонда саф тортиб туришарди. Мураббийлар Андрей Микляев ҳамда Мирко Йеличич футболчилар билан ярим соатдан кўпроқ машғулот ўтказишди.
Дубайдан қайтиб келгандан сўнг “темирйўлчилар”нинг илк машғулоти асосан чигалёзди машқларни бажариш билан ўтди. Шунингдек, тўплар билан ҳам бироз ишланди. Ундан кейин эса ўйинчилар тренажер залига йўл олишди. Дарвозабонлар мураббийи Пётр Гизимчук эса дарвозабонлар билан ишлашда давом этди.
Қуйида машғулотдан олинган фотосуратларни эътиборингизга ҳавола қиламиз.
