Мавсумга тайёргарликни Тошкентда давом эттираётган жамоамиз сафига бугун яна бир футболчи келиб қўшилди. 2015 йилги мавсумни “Қўқон-1912” жамоасида ўтказган россиялик футболчи Игорь Голбан бундан бироз олдин “Навбаҳор”нинг Тошкентдаги вақтинчалик қароргоҳига етиб келди.
Голбан 2015 йилги чемпионат давомида қўқонликлар сафида 26 та ўйинда иштирок этганлигини қўшимча қилиш жоиз. Россиялик легионер эртадан жамоамиз сафида шуғулланишни бошлайди. Бундан ташқари, бугунги машғулотларда ҳимоячи Азизбек Ғуломхўжаевни ҳам қатнашганлигини айтиб ўтиш керак. Ушбу футболчи айни пайтда “Навбаҳор”да кўрикдан ўтмоқда. Жамоамизнинг Тошкентдаги йиғини 30 январь куни якунланади. Йиғин сўнггида эса Жиззахнинг “Сўғдиёна” жамоасига қарши назорат учрашуви ўтказилади.
