Афғонистонда Лионель Мессининг футболкасини полиэтилен пакетдан ясаб, кийиб олган бола топилди, дея хабар бермоқда «Сегодня.ua».
Фото: Twitter / @barcastuff
Ўзи афғонистонлик бўлган, айни пайтда Австралияда яшайдиган Азим Аҳмадий Муртаза исмли беш яшар жияни суратларини эълон қилди. Уларда пакетдан футболка ясаб олган болакай акс этган.
Фото: Twitter / @barcastuff
Муртаза Афғонистоннинг қишлоқ ҳудудида яшайди, унинг отаси Ориф Азимга асл фотосуратларни юборди.
«У ҳақиқатан ҳам футболни ва Мессини яхши кўради. Мен оддий фермер бўлганим учун унга ҳақиқий футболка сотиб олиб беролмайман. Шунинг учун болалар пакетдан фойдаланди. Муртаза интернети бўлган дўстлари орқали танилиб кетгани ҳақида эшитди», — деди Ориф.
Фото: Twitter / @barcastuff
Муртазанинг отаси хорижий мамлакатлар ўғлининг ўз кумири билан учрашишида ёрдам беришига умид қилмоқда.
Фото: Twitter / @barcastuff
Эслатиб ўтамиз, полиэтилен пакетдан Аргентина термаси формасини эслатувчи футболка ясаб кийиб олган Дахук шаҳрининг жажжи фуқароси акс этган сурат туркиялик ишқибозлар блогларида пайдо бўлиб, тезликда бутун интернетга тарқалиб кетди. Twitter фойдаланувчилари Мессининг ҳақиқий футболкасини совға қилиш учун, болакайни қидириш бўйича кампания бошлади. Ушбу флешмоб ҳақида Лионель Мессининг ўзи хабар топди ва болага ёрдам бериш истагини билдирди.
Аввалроқ қирғизистонликлар Месси излаётган бола қирғиз эканлигини даъво қилган эди.
