Қатар Юлдузлар Лигасида бугун 16-тур учрашувларига старт берилди.

Кун доирасидан ўрин олган қизиқарли тарзда кечган беллашувлардан бирида ҳамюртимиз Сардор Рашидов тўп сураётган “Ал Жаиш” клуби “Ал Хор” меҳмони бўлди.

“Жаиш” мазкур матчда кутилмаганда рақибга имкониятни бой бериб қўйди. 40-дақиқада Медсон томонидан киритилган ягона гол якунда “Ал Хор”га муҳим 3 очкони тақдим этди. Сардор Рашидов ўйинни бошланғич таркибда бошлади ва тўлиқ 90 дақиқа майдонда ҳаракат қилди.

“Ал Хор” – “Ал Жаиш” 1:0

Гол: Медсон (40)

Таъкидлаш жоиз, эртага Юлдузлар Лигасида 16-тур ўйинлари давом эттирилади. Санжар Турсунов кўчиб ўтган “Умм Салал” мусобақа жадвали карвонбошиси “Ал Райян”га қарши ўйин ўтказади. Мазкур матчда ҳамюртимиз янги жамоаси таркибида дебют қилиш имконига эга бўлади.

28/01/2016 (18:30) “Умм Салал” – “Ал Райян”