Дубай суди Каталониянинг «Барселона» клуби ҳужумчиси Лионель Мессининг шахсий ҳаётига аралашганликда айбланаётган полиция ходими бир ой муддатга озодликдан маҳрум этиш бўйича қарор чиқарди. Бу ҳақда Agency France Presse ахборот агентлиги хабар тарқатди.
Эслатиб ўтамиз, 2015 йилнинг декабрида Месси ECA (Globe Soccer Awards) талқини бўйича «Йилнинг энг яхши футболчиси»га бериладиган мукофотни қабул қилиб олиш учун ушбу мамлакатга келганида, мазкур полициячи унинг паспортини видеога олган.
Полициячи видеони интернетга жойлаштирган. У «Мен бу паспортни ёқиб юбораймикан ёки қайтариб берайми?» дейди видеода.
Суд бу ҳаракатни ўзганинг шахсий ҳаётига ноқонуний аралашиш сифатида баҳолаган. Бироқ полициячи айбини тан олмай келаётганди.
