“Бунёдкор”нинг мавсум-2016даги илк расмий учрашувига бир ҳафтадан кам вақт қолди.

Қитъамизнинг клублар ўртасидаги энг нуфузли мусобақаси – Осиё Чемпионлар лигаси турнири учрашуви олдидан “қалдирғочлар” янги футболчиларнинг тақдимот маросимини ўтказди.

“Бунёдкор” стадиони анжуманлар залида ўтказилган тадбирда Бош директор Бахтиёр Бобоев сўз олиб, янги мавсум учун олиб борилган тайёргарлик жараёни, таркибга жалб этилган янги футболчилар ҳақида сўзлаб берди. Шунингдек, журналистларни қизиқтирган бошқа саволларга батафсил жавоб қайтарди.

“Бунёдкор”нинг тижорат директори Айниддин Ғиёсов жамоанинг 2016 йилдаги янги либоси ҳақида маълумот берди.

Бахтиёр Бобоев янги футболчиларга уларнинг “Бунёдкор” сафида тўп тепадиган рақамлари акс эттирилган футболкаларни тантанали равишда топширди. Унга кўра, Баҳодир Насимов – 14, Шаҳзодбек Нурматов – 11, Александар Алемпиевич – 71, Жавлон Мирабдуллаев – 15, Дилшодбек Аҳмадалиев – 16, Санжар Қодирқулов – 26.

Тадбир якунида ОАВ вакиллари учун клуб раҳбари ва жамоанинг янги футболчилари билан суҳбатлар ташкил этиб берилди.