Кеча куннинг биринчи ярмида машғулот ўтказган футболчиларимиз Осиё Чемпионлар лигаси ўтиш босқичи доирасидаги “Бунёдкор” – “Ал Шабаб” учрашувини мамлакатимиздаги энг кўркам стадионда кўзатиб боришди.
Йиғиннинг иккинчи кунида жамоамиз сафида ўзгариш бўлди. “Қизилқум”даги ўйинлари орқали мухлислар назарига тушган Наврўз Алимов таркибга қўшилди. Ҳуқуқий жиҳатдан “Пахтакор”га тегишли бўлган ҳужумчи ўтган мавсумни “Қизилқум”да ўтказганди.
“Қўқон-1912” жамоаси мураббийлар штабида ҳам ўзгариш юз берди. Шу кунга қадар “Андижон”да фаолият олиб борган Сергей Ковшов “Қўқон-1912”да иш бошлади. Ковшов бош мураббий ёрдамчиси сифатида фаолият юритади. Сергей Геннадьевич бир неча кун олдин жамоамизни тарк этган Вадим Шодиматов ўрнини эгаллади.
