Ўзбекистонлик ёш ярим ҳимоячи Бобир Давлатовнинг Қозоғистоннинг “Актобе” жамоаси кўригида қатнашаётгани ҳақида хабар берган эдик.
Қозоқ жамоаси феврал ойида Туркиянинг Белек шаҳрида ўқув-йиғин машғулотлари ўтказди. Мазкур йиғинда иштирок этган ҳамюртимиз ўзини ижобий жиҳатдан кўрсата олди ва Юрий Уткульбаев бошчилигидаги мураббийлар штабида яхши таассурот қолдирди. Натижада “Актобе” ҳамюртимизни ўз сафига қўшиб олишга қарор қилди.
Шу тариқа, аслида трансфер ҳуқуқи Қозоннинг “Рубин” жамоасига тегишли бўлган Бобир Давлатов 2016-йилги мавсумни “Актобе”да ўтказади. У янги жамоаси сафида 11-рақам остида ўйнайди.
