Қаршида бўлиб ўтган ОЧЛ-2016 2-тур доирасидаги “Насаф” – “Ал-Аҳли” 2:1 учрашувидан сўнг матбуот анжумани бўлиб ўтди. Матбуот анжуманининг дастлабки қисмида меҳмон жамоа бош мураббийи Кристиан Гросс қатнашди.

Кристиан Гросс ўйин ҳақида қуйидаги фикрларни билдириб ўтди:

-Биз бугун қийин учрашув бўлишини олдиндан билгандик, кутилганидек шиддатли учрашувни гувоҳи бўлдик. Иккинчи бўлимда ўйинимиз яхши томонга ўзгарди, аммо иккита гол ўтказиб юбордик, ҳисобни қисқартиришга эришган бўлсакда, ўзимиз ҳоҳлаган ҳисобни қўлга кирита олмадик.

Бугунги ўйинда бошқа етакчи ўйинчиларимиз иштирок этмагани бу ўйин суратига таъсир қилди деб, ҳисобламайман, қолаверса ички чемпионатимизда ҳам бизни муҳим ўйинлар кутиб турибди.

“Насаф” яхши шаклланган жамоа, айниқса жамоанинг ҳимояси ва ярим ҳимояси бугун яхши ўйнади. Улар ўйин давомида бизни режаларимизни барбод қилди.

Мен “Насаф”нинг бирон бир ўйинчисини алоҳида таъкидламоқчи эмасман, бу жамоа яхлит жамоа сифатида яхши ўйнайди.

Кристиан Гросс матбуот анжуманида иштирок этган ОАВ вакилларининг бошқа саволларига ҳам жавоб бериб ўтди.