«Реал» ҳужумчиси Криштиану Роналду ушбу мавсум борасида ўз фикрларини билдириб ўтди.

Португалиялик футболчи ЕЧЛ турнирида тўпурарлар баҳсини бошқармоқда. "Қироллик клуби" Чемпионлар лигасининг нимчорак финалида "Рома"ни дастлабки ўйинда ғалаба қозониб (2:0), чорак финалга чиқишга яхши имконият ҳосил қилган. Ла лигада эса "қаймоқранглилар" пешқадам "Барселона"дан анча ортда қолиб кетишди.

«Менинг статистикам — бир неча йиллик оғир меҳнат самарасидир. Примерада муаммолар юзага келганига қарамай, ушбу йўналишда тўхтаб қолмоқчи эмасман. "Реал" Европа чемпионлар лигасидаги иштирокини давом эттирмоқда. Ушбу мусобақа клубимизнинг ҳар бир аъзоси учун жуда муҳим. Боз устига, ушбу совринни ҳеч ким биздан кўпроқ ютмаган. Ҳали ҳеч нарса йўқотилмаган.

Сидқидилдан меҳнатсиз иқтидорнинг ўзи ҳеч нарса эмас. Биз худди шундай руҳда давом этишни ҳамда жамоа билан соврин ва индивидуал ютуқларни ютиш орқали мухлисларни хурсанд қилишни истайман», — дейди Роналду.