Тақдимот маросими ўтказилди
Бўлиб ўтган тақдимот маросимда Жиззах вилояти футбол федерацияси вице-президенти Анвар Мусулманов, “Сўғдиёна” ФК бош мураббийи Даврон Файзиев, ОАВ ходимлари ва фан-клуб аъзолари иштирок этишди. Дастлаб А.Мусулманов сўз олиб, жамоанинг янги мавсумга олиб борган тайёргарлиги, ушбу мавсумда мухлисларнинг стадионга кириш тартиблари ҳақида тўҳталиб ўтди. Бош мураббий Д.Файзиев эса жамоадаги ўзгаришлар, янги таклиф этилган футболчилар, раҳбарият томонидан қаратилаётган эътиборлар тўғрисида гапириб, бу йилги мавсумда жамоа мухлисларга ёқадиган ўйин кўрсатишига ҳаракат қилишини ва яхшироқ натижалар қайд этилишига бор кучлари билан меҳнат қилишлари ҳақида гапирди. Шундан сўнг, ОАВ ходимлари ўзларини қизиқтирган саволларга жавоблар олишди.
Жамоага янги таклиф этилган футболчиларга рақамлари туширилган футболкалари топширилди.
№1 Тимур Ғаниев
№21 Музаффар Абдуллаев
№16 Акмал Холмуродов
№5 Мурод Ҳолмуҳаммедов
№13 Сарвар Жўраев
№20 Жаҳонгир Жиямуродов
№27 Сардор Собирҳўжаев
№19 Шаҳзод Каримов
№8 Суҳроб Қобилов
№15 Тимур Ҳакимов
№11 Фарруҳ Шотурсунов
Бугунги тадбирлар ҳақида кейинроқ батафсил хабар берамиз.
