“Реал” жамоаси ҳимоячиси Пепенинг фикрига кўра, клубнинг бошқа ҳимоячилари ҳам маҳорат бобида ундан қолишмайди. У бу ҳақда “Рома”га қарши ЕЧЛ 1/8 финал жавоб ўйинидан олдин айтиб ўтди.
"Мен яхши спорт формасидаман. Мураббий асосий таркибда майдонга тушадиган футболчиларни аниқлайди. Ўзимни “Реал”нинг асосий таркиб ўйинчиси деб ҳисобламаганман. Варан ва Рамос бу мавсумда мендан кўпроқ ўйнади. Чунки улар бунга лойиқ. Начо ҳам жамоага фойда келтирди", - дейди португалиялик ҳимоячи.
Эслатиб ўтамиз, бугун тунги 00:45 да ЕЧЛ нимчорак финал жавоб ўйини доирасида “Реал” ўз майдонида “Рома”га қарши баҳс олиб боради.