«Ювентус» ва Франция терма жамоаси ярим ҳимоячиси Поль Погба «Олтин тўп»ни қўлга киритишни истаётганини маълум қилди.
«Мен энг яхши футболчи бўлиш учун ўйнаяпман ва ишлаяпман. Иккинчи бўлиш — мен учун эмас. "Олтин тўп"ни қўлга киритишни истайман», — дейди Погба.
Франциялик футболчи Италия чемпионатининг ушбу мавсумида 26та ўйинда майдонга тушди ҳамда 5та гол уриб, 5та голга ҳаммуаллифлик қилди. Францияда ўтадиган Евро-2016 мусобақасида ўзини кўрсатиш учун Погбада катта имконият мавжуд.