"Барселона" клубининг уругвайлик ҳужумчиси Луис Суарес бугун собиқ жамоаси "Ливерпул"даги дўстларини кўриш учун "қизиллар"нинг асосий машғулот маркази Мелвудга ташриф буюрди.
У ўзи билан икки фарзандини ҳам олиб келди ва собиқ жамоадошлари билан кўришиб, суҳбатлашди.
Эслатиб ўтамиз, Суарес 2011-2014 йиллар давомида "Ливерпуль" шарафини ҳимоя қилган ва 110 бор расмий ўйинда майдонга тушиб, 69 голга муаллифлик қилган.
У тез орада яна Каталон клубига қайтиб, шанба куни Испания чемпионати доирасида бўладиган "Хетафе"га қарши ўйинда майдонга тушиши кутилмоқда.