Иккинчи турдан жой олган “Шўртан” — “Қизилқум” жамоалари (0:1) баҳсидан сўнг, кончилар сардори Акмал Рустамов ўйин ҳақида ўз фикрларини билдириб ўтди.

— Бугун жуда қийин кечган баҳсда муҳим уч очкони қўлга киритдик, — деди Акмал Рустамов.  — Ҳар бир жамоа уй учрашувида рақибидан очко тортиб олишга ҳаракат қилади. “Шўртан” таркибида юқори савиядаги ўйинчилар жуда кўп. Жиддий рақибга қарши ўйинда кичик ҳисобда бўлса-да ғалаба қозонганимиз ёқимли, албатта.

— Ўтган тур якунида “Рамзий терма жамоа” таркибидан жой олдингиз.

— Ҳа, албатта. Турнинг рамзий терма жамоасидан жой олиш кайфиятни кўтаради, кишига куч бағишлайди. Аммо мен учун муҳими — жамоам ғалабаси ва мухлислар қувончи, деб биламан. Чемпионат эндигина бошланди. Мақсадимиз бу йилги мавсумни кучлилар қаторида якунлашдир. Рақибларнинг барчаси чемпионатга пухта ҳозирлик кўришгани дастлабки турлардан сезилиб қолди. Уларга қарши муносиб футбол намойиш этиш учун эса жамоамизнинг кучи етади, деб ўйлайман.