“Сепахон” (Исфаҳон) – “Локомотив” (Тошкент)
Ҳакамлар: Сато Рюжи,Сагара Тору, Наги Тошиюки (барчаси Япония), Сапаев Алибек (Туркманистон).
Ҳакамлар назоратчиси: Виктор Колпаков (Қирғизистон).
Учрашув комиссари: Мазен Рамазон (Ливан).
“Фуладшаҳр” стадиони. 15 март, 17:30.
Исфаҳон шаҳри шарафини ҳимоя қилувчи клуб Осиё чемпионлар лигасида ўн биринчи бор иштирок этаётган бўлса, “Локомотив”нинг гуруҳ босқичларидаги кўрсаткичи энди иккига тенг. Ҳозирга қадар жамоалар ўзаро тўқнаш келишмаган.
“Сепаҳон” (Исфаҳон)
Жамоа ўзбек клублари билан шу пайтгача беш марта тўқнаш келган. Учта ғалаба, битта мағлубиятга учраб, бир ўйинда ғолиб аниқланмаган.
“Сепаҳон” мехмонда гуруҳдаги вакил “Ал-Наср”га 0:2 ҳисобида мағлуб бўлди ва ўз уйида ҳудди шу ҳисобда ғалаба қозонган. Ушбу учрашувда клубнинг бразилиялик легионери Чимба дублга эришган. 2-тур якунларига кўра Лусиано Чимба, Муҳаммадризо Ҳолатборий ва дарвозабон Шаҳобиддин Гордонда биттадан сариқ карточка бор.
Миллий Чемпионат
Сўнгги турда “Сепаҳон” сафарда “Сиёҳ Жамигон” клубига қарши майдонга тушди ва ҳамюртимиз Фозил Мусаев томонидан киритилган гол эвазига уч очко олишга муваффақ бўлди. Бу ғалаба билан шерлар 10та ғалабасиз серияга барҳам бердилар. Айни дамда клуб турнир жадвалининг 11-поғонасида бормоқда ва чемпионат етакчиси “Истиқлол” клубидан 14 очко ортда қолмоқда.
“Локомотив” (Тошкент)
“Темирйўлчилар” ўзларининг Осиё Чемпионлари Лигаси тарихида иккинчи марта Эронга сафар уюштирди. Биринчи марта жамоамиз 0:1 ҳисобида “Фулад” жамоасига мағлуб бўлганди.
“Локомотив” иккинчи турда “Ал-Иттиҳод” (1-1) клубига қарши кечган учрашувда сафарда биринчи марта очко ишлашган эришди.
Жасур Ҳасанов 2 ўйинлик дисквалификацияси туфайли майдонга туша олмайди. Шу жумладан Икром Алибоев жароҳати безовта қилгани боис Тошкентда қолган. Кахи Махарадзе, Сардор Мирзаев, Садриддин Абдуллаев ва Неманья Яничичда биттадан сариқ карточка мавжуд.
Миллий Чемпионат
“Темирйўлчилар” миллий чемпионатда қаторасига иккинчи бор сафардан 3 очко билан қайтишди. Сўнгги учрашувда “Локо” рақиби “Андижон” устидан 3:1 ҳисобида устун келди.
