Терма жамоамизнинг ЖЧ-2018 саралаш босқичида иштирок этиши туфайли Олий лигада қисқа танаффус эълон қилинди. Бу орада айрим жамоаларимиз Ўзбекистон Кубоги баҳсларида иштирок этишади.
“Пахтакор” билан бўлган ўйиндан кейин жамоамиз аъзоларига қисқа муддатли таътил берилганди.
Маълум вақт дам олиш имконига эга бўлган футболчилар бугун клуб қароргоҳида тўпланиб, мамлакат кубогининг 1/16 финалидан ўрин олган “НБУ Осиё” – “Қўқон-1912” учрашувига тайёргарлик кўришни бошлашади.
Эслатиб ўтамиз мазкур ўйин 18 март санасига белгиланган.
Ушбу учрашувда жамоамизга омад тилаб қоламиз.
