“Бунёдкор” – “Зоб-Аҳан” учрашувидан кейинги матбуот анжуманининг биринчи қисмида эронликлар устози иштирок этди.

- Учрашув осон ўтмаслигини таъкидлагандим. Ҳимоя чизиғидаги тартибли ўйинимиз туфайли Тошкентдан бир очко билан қайтяпмиз. Шогирдларим бугун бор кучлари билан ҳаракат қилишди. Улардан хурсандман. Иккала жамоада ҳам гол уриш учун вазиятлар бўлди. Ўйлашимча, ўз дарвозалари дахлсизлигини сақлаб қолган посбонлар бугунги баҳснинг энг яхшилари бўлишди. Иккинчи бўлимда “Бунёдкор” тажовузкор ўйин кўрсата бошлади. Бундай паллада кўпроқ орқа чизиқни мустаҳкамлаш ҳақида ўйлаб, ҳужумга камроқ ўтдик. Исфаҳонда бўладиган баҳс қайсидир маънода бизга осонроқ ўтади. “Бунёдкор”, “Лаҳвия” ва “Ан-Насср” клубларини Осиёнинг кучли жамоалари, деб ўйлайман. Ушбу квартетдан кейинги босқичга чиқиш ҳеч кимга осон бўлмайди. Аммо биз охиригача курашамиз, - дейди Яҳё Гулмуҳаммади.