Мана, янги мавсумни ҳам бошлаб олдик. Олий лиганинг илк туридаёқ диққатни тортадиган баъзи воқеалар кузатилди. Дейлик, ўйинларда қизил карточкалар ҳам, автогол ҳам, «жуфт» пенальти ҳам қайд этилди. Қуйидаги фактлар шу 3та жиҳатга боғлиқ.
Интизом масаласи: «Қўқон-1912» ва «Сўғдиёна»да аҳвол қандай?
2015 йили олий лигага қайтган «Қўқон-1912» ўтган мавсум 5та ўйинни озчилик бўлиб тугатганди. Чемпионат-2015да майдондан энг эрта четлатилган футболчи айнан «Қўқон-1912» вакили Жалил Кимсановдир. У қизил карточка олган пайт «Қизилқум»-«Қўқон-1912» ўйинининг эндигина 17-дақиқаси ўтиб бораётганди.
«Сўғдиёна» футболчилари эса 2013 ва 2014 йиллардаги мавсумларда 4тадан «қизил» олгандилар. Ўтган йили эса бу кўрсаткич 2тага тушди. Аммо янги чемпионатнинг стартидаёқ илк «қизил» бўй кўрсатди.
«Жуфт» пенальти
«Қизилқум» вакили Илҳом Юнусов «Машъал»га қарши баҳсда 2та пенальтини аниқ амалга ошириб, жамоасининг иродали ғалабасини таъминлади. 2014 йилнинг 23 июнида «Локомотив» ҳужумчиси Фарҳод Тожиев «Бухоро»га қарши 23-тур баҳсида 2та пенальти (15, 45}1-дақиқаларда)ни кўкка совурганди. Умуман, сўнгги мавсумларда қуйидаги футболчилар 1та ўйинда 2тадан пенальтини голга айлантиришди.
Автоголлар мавзуси
Ўтган мавсум жами 665та гол қайд этилган бўлса, уларнинг 10таси (1,5 фоиз) авто қўшимчасига эга эди. Жорий мавсум эса автоголлар ҳисобини «Насаф» вакили Шерзод Аъзамов очиб берди. Тўғри, унинг автоголи жамоасига унча таъсир қилмади. Зеро, «Насаф» қийинчилик билан бўлсада, ўйинда ғалабани ўз томонига оғдириш уддасидан чиқди. Дарвоқе, чемпионат-2015да Қарши клубидан бу борада дарвозабон Элдор Суюнов «ажралиб» турганди.
Ф.Файзиев
