«Барселона» жамоаси ҳужумчиси Лионель Месси келажакда ўз фаолиятини «Нюеллс Олд Бойз» футбол клубида давом эттириш истаги борлигини айтиб ўтди, деб хабар беради «Чемпионат».
«Мен ўз фаолиятимни ‘Нюеллс Олд Бойз’ жамоасида давом эттиришни истар эдим. Бу қачон амалга ошишини ва умуман амалга ошадими ёки йўқ, билмайман. Ҳозир эътиборимни ҳар кунги ишга қаратяпман. Агар бу нарса амалга ошса ҳам, бир неча йилдан сўнг бўлади. Бироқ эртага нима бўлишини ҳеч ким билмайди», – дейди аргентиналик футболчи.
Маълумот учун, «Нюеллс Олд Бойз» Аргентинанинг Росарио шаҳрида жойлашган клуб бўлиб, Лионель Месси футболдаги илк қадамларини айнан шу жамоада қўйган.
