"Манчестер Юнайтед” жамоаси собиқ ярим ҳимоячиси, афсонавий Райан Гиггз ўғлига ўзининг буюк футболчи эканини айтганида, унинг ўғли бунга ишонмади. Бу ҳақда ESPN FC портали хабар бермоқда.

- Афсуски, ўғлим менинг ўйинларимни кўрмаган. У мени “МЮ”да шунчаки бир неча йил тўп тепган, деб ўйлайди. Ўғлим Неймар, Роналду ва Мессига мухлислик қилади. Мен натижаларим борасида ҳеч қачон ортиқча сўзламаганман, лекин ўғлимга: “Мен Мессидан тезроқ бўлганман” дейишга тўғри келди. Ўғлим эса: “Ҳатто мен сиздан тезроқман” деди”, – дейди уэльслик собиқ футболчи.