Чили терма жамоаси аъзоси, "Арсенал" клуби ҳужумчиси Алексис Санчес футболга бўлган муносабати ҳар доим кучли футболчи бўлишга ундаганини таъкидлаб ўтди.

"Арсен Венгер ҳар доим менга "дам ол!" деб айтганда ҳам мен дам олишни хоҳламайман. Машғулотдан кейин уйга бораман-да, спорт формамни ушлаб туриш учун ҳам машқлар бажариб, шуғулланаман. Мен ҳар доим футбол ўйнашни, унда ғалаба қозонишни истайман. Футбол менинг ҳаётим. Шунинг учун ҳам ғалаба қозонганимизда, ўзимни бахтиёр ҳис этаман. Дуранг ва мағлубият мени хафа қилади. Болалигимдан мағлубиятга учрасам хафа бўлардим ва уйга бориб қаттиқроқ шуғулланиб, эртасига ғалаба қозониш учун интилардим. Ёшлигимдан футболчи бўлишни орзу қилганман. Мен футболчи бўлиш учун туғилганман", - дейди футболчи "Арсенал" клуби расмий сайтига берган интервьюсида.