"Лестер" жамоаси аъзоси Рияд Марез 31 турдан ўрин олган "Кристал Пэлас"га (1-0) қарши баҳсдан сўнг жамоаси чемпионлик йўлида навбатдаги қадамни ташлаганини айтиб ўтди.
"Чемпионлик яқинлашди. Шунга қарамай олдинда ҳали еттита тур бор. Бу узоқ йўл. Бор эътиборимизни ўзимизга қаратишимиз керак ва нима бўлишини кўрамиз. Айни вақтда "Тоттенхэм"ни саккиз очкога ортда қолдиряпмиз. Лекин "шпорлар" заҳирасида битта ўйин бор", - деди Марез Sky Sportsга берган интервьюсида.
Клаудио Раньери шогирдлари турнир жадвалида етакчилик қилишмоқда. Уларнинг энг яқин таъқибчиси “Тоттенхэм” "тулкилардан" 8 очкога ортда қолмоқда. Шу билан бирга Маурисио Паччетино жамоасида заҳирада битта ўйин мавжуд.
