“Манчестер Юнайтед” клубининг собиқ афсонавий дарвозабони Петер Шмейхелнинг ўғли Каспер Шмейхель Даниянинг 2015 йилги энг яхши футболчиси деб топилди.
Шмейхель Англия чемпионлигига тобора яқин келаётган “Лестер” клубининг дарвозабони ҳисобланади. Жорий мавсумда Каспер “Лестер” дарвозасини ҳозиргача ўтказилган барча 33та учрашувда қўриқлаган.
Эслатиб ўтамиз, Данияда сўнгги бор дарвозабонлардан айнан Петер Шмейхель йилнинг энг яхши футболчиси деб топилганди. Мамлакат футболи тарихида иккинчи бўлиб, энди унинг ўғли йил ўйинчисига айланди.
