КОНМЕБОЛ минтақасида ЖЧ-2018 саралаш босқичи доирасида 5-турнинг сўнгги ўйини бўлиб ўтди. Бразилия ва Уругвай терма жамоалари ўртасидаги ўйинда жанговар дуранг қайд этилди.
Учрашувнинг 1-дақиқасидаёқ мезбонлар Дуглас Костанинг голи эвазига ҳисобни очишган бўлса, 20-дақиқага келиб бразилияликлар ҳисобни 2:0 кўринишга келтиришди.
Биринчи бўлимнинг ўзида Кавани ҳисобни биттага қисқартирди. Иккинчи бўлимни меҳмонлар яхши савияда ўтказишди ва ҳисобни тенглаштиришди. Узоқ вақтдан кейин терма жамоага қайтган Луис Суарес дарвозани ишғол қилишга муваффақ бўлди. "Барселона" ҳужумчиси ўйин сўнгида яккама-якка вазиятдан фойдалана олмади, акс ҳолда уругвайликлар ғалабани илиб кетишарди.
Ушбу натижадан кейин Уругвайнинг очколари 10, Бразилияники эса 8тага етди. Жамоалар жадвалда 2 ва 3-ўринни эгаллаб туришибди.
ЖЧ-2018 саралаш. КОНМЕБОЛ, 5-тур
Бразилия – Уругвай 2:2 (2:1, 0:1)
Голлар: 1:0 – 1 Дуглас Коста, 2:0 – 26 Ренато Аугусто, 2:1 – 31 Кавани, 2:2 – 48 Суарес.
Бразилия – Алиссон, Миранда, Филипе Луис, Дани Алвес, Давид Луиз, Фернандиньо (Коутиньо, 67), Луис Густаво, Ренато Аугусто, Виллиан (Лукас Лима, 85), Дуглас Коста (Оливейра, 78), Неймар.
Уругвай – Муслера, Викторино, Перейра, Фусиле, Коатес, Санчес (Стуани, 81), Аревало, Весино, Родригес (Гонсалес, 46), Суарес, Кавани.
Огоҳлантиришлар: Суарес (56), Неймар (63), Дани Алвес (76), Давид Луиз (82).
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Эквадор | 5 | 4 | 1 | 0 | 11-4 | 13 |
| 2 | Уругвай | 5 | 3 | 1 | 1 | 11-4 | 10 |
| 3 | Бразилия | 5 | 2 | 2 | 1 | 9-7 | 8 |
| 4 | Парагвай | 5 | 2 | 2 | 1 | 5-4 | 8 |
| 5 | Аргентина | 5 | 2 | 2 | 1 | 4-4 | 8 |
| 6 | Чили | 5 | 2 | 1 | 2 | 8-9 | 7 |
| 7 | Колумбия | 5 | 2 | 1 | 2 | 6-7 | 7 |
| 8 | Перу | 5 | 1 | 1 | 3 | 7-11 | 4 |
| 9 | Боливия | 5 | 1 | 0 | 4 | 7-11 | 3 |
| 10 | Венесуэла | 5 | 0 | 1 | 4 | 6-13 | 1 |
