Барчангизга яхши маълумки, жамоамиз навбатдаги турда ўз майдонида Андижон шаҳрининг “Андижон” жамоасини қабул қилади. Ўзига хос “водий дерби”си учун чипталар “Марказий” ўйингоҳ кассаларида сотилмоқда. Чипталар доимгидек икки хил 5 000 ва 10 000 сўмдан сотилмоқда.
Эслатиб ўтамиз “Андижон”га қарши баҳс 2 апрель куни соат 16:30 да бошланиши белгиланган. Шунингдек “Қўқон-1912” ҳамда “Андижон” жамоаларининг ўринбосарлари ўртасидаги учрашув 1 апрель куни соат 15:30 да “Марказий” ўйингоҳда бошланади.
Барча азиз мухлисларимизни бўлажак учрашувда жамоамизни қўллаб-қувватлашга чақириб қоламиз.
