“Насаф” – “Обод” учрашувидан кейинги матбуот анжуманида дастлаб меҳмонлари мураббийи Бобур Зуҳриддинов иштирок этди.
"Бугун ажойиб футбол бўлди. "Насаф"га қарши ўйнаш қизиқарли. 1:0 биз учун ютуққа тенг. “Насаф”ни ғалаба билан табриклайман. Қаршиликларга ОЧЛда омад тилайман.
Бизнинг олдимизга аниқ бир вазифа қўйилмаган. “Обод”да фақат мен эмас, бутун бошли мураббийлар штаби ишлайди.
Учта турда жамоа гол уролмади. Биз ҳали ёш жамоамиз. Бизда имкониятлар бўляпти, лекин улардан фойдалана олмаяпмиз. Легионерларни жалб этиш? Мақсадимиз ўзимизнинг футболчиларни ўйнатиш, терма жамоаларимизга ёш футболчиларни етказиб бериш. Ҳозирча бу ҳақда ўйламаяпмиз", - дейди Зуҳриддинов.