Қатар Юлдузлар Лигасида 24-тур учрашувлари ўтказилди.

Ҳамюртимиз Санжар Турсунов фаолият олиб бораётган “Умм Салал” жамоаси бу турда “Ал Араби”га қарши баҳс олиб борди. Анчагина қизиқарли руҳда ўтган матчда “Салал” 1:0 ҳисобида зафар қучди. Ўйин тақдирини ҳал этган ягона гол Мунир ал Ҳамдави ҳисобига ёзилди. Ушбу ғалаба орқали “Умм Салал” мусобақа жадвалидаги 5-ўрнини сақлаб қолди.

Миллий терма жамоамиз ярим ҳимоячиси ўйинни илк дақиқаларданоқ майдонда бошлади ва 86 дақиқа ўйнади. Сўнг у ўз ўрнини жамоадоши Одил ал Сулаймонига бўшатиб берди.

Энди клуб навбатдаги учрашувини яна бир ҳамюртимиз Сардор Рашидов фаолият олиб бораётган “Ал Жаиш”га қарши ўтказади. Мазкур баҳс 10 апрель куни бўлиб ўтади.