"Барселона" ҳимоячиси Жерар Пике Лионель Месси билан Криштиану Роналдуни таққослади.

"Улар иккиси ҳам ақлбовар қилмас футболчилар. Гап нафақат дунёнинг энг яхши футболчилари, балки футбол тарихининг энг яхшилари ҳақида кетмоқда.

Аввал айтганимдак, Мессининг иқтидори бошқа ҳеч кимда йўқ. У ақлбовар қилмас тезликда тўп билан муомала қилади. У тўпни икки метрдан узоқлаштириб юбормайди. Уни тўхтатиб қолиш қийин, унинг иқтидорини бошқада кўрмадим.

Роналду бошқача ўйинчи, мутлақо бошқача. У баланд бўйли, кучли-мукаммал. У истаган нарсасини бажариши мумкин. У кетма-кет боши билан, жаримадан, пенальтидан гол киритиши мумкин.

Аммо мен Мессини одам ҳисобламайман, Роналду эса - одамлар орасида энг яхшиси", - дейди Пике.