Малайзия Супер Лигаси 6-тур учрашувлари старт олди.
Ўзбекистонлик ярим ҳимоячи Лутфулла Тўраев фаолият олиб бораётган “Фелда Юнайтед” жамоаси бу сафар “Теренггану” клубига қарши баҳс олиб борди. Анчагина қизиқарли тарзда ўтган матчда “Фелда” 4:1 ҳисобида зафар қучди ва ўз ҳисобидаги очколар сонини 15 тага етказиб олди. Мазкур клуб ҳозирча 5 та ўйинда ғалабага эришди ва фақат 1 бор мағлуб бўлди.
“Теренггану”га қарши кечган ўйинда ҳамюртимиз ўйинни бошланғич таркибда бошлади ва тўлиқ 90 дақиқа майдонда ҳаракат қилди.
