Жамоамиз аъзолари “Бухоро” жамоаси билан ўйинга тайёргарликни бошлаб юборишди. Данғара туманидаги ўйингоҳда кечаги машғулотлар бўлиб ўтди. Қуйида ушбу машғулот жараёнини фотосуратлар орқали сизларга таништирамиз.
Машғулотлар бошланишидан олдин бош мураббий Мурод Исмоилов футболчиларга олдимизда муҳим ўйин кутиб турганини, бу ўйинда хам мухлислар биздан ғалаба кутаётганларини тушунтириб ўтди.
Машғулот аввалида футболчиларга мураббийлар турли жисмоний юкламалар беришди. Бу жараёнларда мураббийларимизнинг ўзлари ҳам фаол иштирок этишди.
Жамоамиздаги йўқотишларга келсак. Алишер Зиявиддинов ва Наврўз Алимовлар машғулотларда иштирок этишмаяпти. Нодир Қўзибоев эса алоҳида шуғулланмоқда.
Дарвозабонларимиз ҳам ўз маҳоратларини ошириб боришмоқда.
Машғулотнинг сўнгги қисмида футболчиларимиз иккига бўлиниб футбол ўйнашди.
Футболчиларга ҳавас билан термулиб ўтирган бу болакайлардан келажакда ўзлари орзу қилиб, формасини кийган жамоаларда тўп сурадиган футболчилар чиқишини яратгандан сўраб қоламиз.
