"Реал" ярим ҳимоячиси Хамес Родригеснинг ўзини тутиши "Қироллик клуби" мураббийлар штаби ва мухлисларида яна бир марта норозиликни уйғотди.

"Вольфсбург"га қарши ўйин давомида майдон четида чигалёзди машғулотни ўтказиш чоғида Хамес ўзини хурсанд тарзда тутган. Ваҳоланки, бу пайтда мадридликлар мағлубиятга учраётган эдилар. Унинг ёнида турган Карвахалнинг қиёфасидан эса у жамоанинг мағлубиятидан ташвишда экани кўриниб турганди. Футболчиларнинг фотосуратларини "As" нашри эълон қилди.

Аввалроқ "Реал" Хамес Родригеснинг ўзига ишига бўлган совуққон муносабатидан бир неча марта норози бўлганди. Ушбу ҳолат футболчининг ёзги трансфер пайтида сотилиши мумкинлиги ҳақидаги миш-мишларни кучайтирмоқда.