“Шўртан” – “Бунёдкор” учрашувидан кейинги матбуот анжуманининг иккинчи қисмида ғузорликлар устози Зоир Тўрақулов иштирок этди.

- Йигитлар ҳаракат қилишди. Афсуски вазиятлардан фойдалана олмадик. 2-3та футболчимиз жон куйдириб ўйнамаяпти. “Бунёдкор” тажрибали жамоа. Рақиб футболчилари майдонда нима қилишаётганини яхши билишади. Биринчи бўлимдаги вазиятни голга айлантирганимизда учрашувнинг бориши тамомила ўзгариб кетарди. Афсуски шу вазиятдан гол ура олмадик. “Бунёдкор” эса битта имкониятдан фойдаланди ва ютиб кетди. “Шўртан”да ўйин бор. Бемалол очколар йиғишга қурбимиз етади. Жамоага юраги ва кўзи ёнадиган футболчилар керак. Шартнома тузиб бўлингач, фақат ойлик маош учун ўйнайдиган футболчилар керак эмас. Бутун жамоа манфаатини устун қўядиган йигитлар қанча кўп бўлса, бирдамлик шунча яхши бўлади. Олий лигадаги ҳеч бир ўйин осон ўтмаяпти. Кейинги баҳсни Наманганда “Навбаҳор”га қарши ўтказамиз. Бу ўйин ҳам ниҳоятда оғир ўтади, - дейди Зоир Нарзуллаевич.