Осиё чемпионлар лигаси 5-тур: “Насаф” – “Ал-Айн” (БАА) учрашуви олдидан ўтказилган матбуот анжуманининг биринчи қисмида меҳмон жамоа бош мураббийи Златко Далич ва жамоа ярим ҳимоячиси Ли Мюнг Жилар иштирок этишди.

Златко Далич: -Ҳаммага хайрли кун, сизларни кўриб турганимдан хурсандман. Эртага ғалаба учун майдонга тушамиз. Кескин баҳс кечади. "Насаф" ҳам яхши шаклланган жамоа. Биз иссиқ ўлкадан ташриф буюрдик Қаршида ҳаво бироз салқинроқ экан. Шунга қарамай биз бор кучимизни ишга солиб, керакли натижага эришишга ҳаракат қиламиз. ОЧЛдаги илк учрашувларда мағлуб бўлишмизни кутмаган эдик. Барчасини бошдан бошлаб ўзгартиришга эришдик. Имкониятимизни яхшилаб олдик.

Кейинги ўйинларда ҳам ижобий натижани қайд этиб, кейинги босқичга чиқиш масаласини ҳал этмоқчимиз.

БАА чемпионатида чемпион бўлишга имкониятимиз кам. Биздан ОЧЛда кўп нарса кутишоқда.

Эртанги ўйинда энг яхши ва энг кучли таркибни майдонга туширамиз. Рақибимиз яхши шаклланган ва ҳар иккала қаноти яхши ўйин кўрсатади. Биз ўз услубимиздаги ўйин намойиш этамиз. Қолаверса ўзбек клублари билан ўйнаш бўйича тажрибага эгамиз.

Эртанги ўйин ОЧЛ гуруҳ босқичидаги энг қийин ўйинимиз бўлади. Чунки ҳар иккала жамоа кейинги босқичга чиқишни мақсад қилган.
Мусобақа бошланишидан олдин ҳеч ким "Ал Жайиш"ни 4-турдан кейин кейинги босқич масаласини ҳал этишини кутмаганди. Менимча улар гуруҳ босқичи тақдирини ҳал қилиб бўлди.

Ли Мюнг Жи: - Эртага биз учун муҳим ва қийин ўйин кутиб турибди, биз эртага ғалаба учун майдонга тушамиз ва гуруҳдан чиқиш масаласини ҳал қилмоқчимиз. Мен БААда яхши ўйнаб, жамоамиз мақсадини амалга оширишда яқиндан ёрдам беришни ҳоҳлайман ва мухлислар талаб қилган ўйинни кўрсатсам, дейман. Бошқа мақсадлар ҳақида ўйлашни кейинга қолдираман.