Хабарингиз бор, 26 апрел сешанба куни Тошкент шаҳридаги ЖАР стадионида II Ўзбекистон Суперкубоги учрашуви бўлиб ўтади.

Унда 2015 йилги мавсум чемпиони – “Севинч” ҳамда Ўзбекистон Кубоги-2015 соҳиби Бекободнинг “Металлург W” жамоалари ўзаро куч синашади.

Ўзбекистон аёллар футбол ассосацияси томонидан мазкур учрашувни бошқариб борадиган ҳакамлар тайинланди. Унга кўра, суперкубок учрашувини ФИФА рефериси Эдита Миробидова бошқаради. Унга қанотларда Середа Кристина ва Зилола Раҳматовалар ёрдам беришади. Захира ҳаками сифатида Анна Сидорова ишлайди. Ҳакамлар ишини Махмуд Шарипов назорат қилади.

II Ўзбекистон Суперкубоги

“Севинч” (Қарши) – “Металлург W” (Бекобод)

26.04.2016 й.Тошкент ш. ЖАР стадиони. Соат 15:00да

Бош ҳакам: Эдита Миробидова (Тошкент)

Қанот ҳакамлари: Кристина Середа (Бухоро), Зилола Раҳматова (Қарши)

Захира ҳаками: Анна Сидорова (Тошкент)

Назоратчи: Махмуд Шарипов (Тошкент).

ЎзАФА вакили: Алишер Файзиев.

Эслатиб ўтамиз, мазкур учрашув Тошкент шаҳридаги ЖАР стадионида 26 апрел сешанба куни соат 15:00да бошланади. Стадионга кириш мухлислар учун текин.