АПЛнинг 2015/16 мавсумидаги энг яхши футболчиси, "Лестер" яримҳимоячиси Риёд Маҳрез Ангглияни тарк этмаслигини маълум қилди.
Жазоирлик 25 ёшли футболчи АПЛнинг ушбу мавсумида 17та гол урган ва 11 голли узатма оширган. Унга "Барселона" ва "ПСЖ" клублари қизиқишмоқда.
"2014 йилда агентим "Марсель" билан музокара олиб борган, аммо мен бу ҳақида билмаганман. Агар улар келиша олганларида ҳам мен рад жавобини берган бўлар эдим. Францияга қайтишни истамайман. Ёшлигимда "Марсель"да ўйнашни истардим, аммо "Лестер"га ўтганимдан сўнг эмас.
"ПСЖ"га келсак, охирги йилларда у катта клубга айланди. Аммо мен болалигимдан "Марсель"ни яхши кўрардим, шунинг учун Парижга боришим мумкинлигидан қаттиқ ҳаяжонланганим йўқ. Бунинг иложи йўқ дея олмайман, аммо "ПСЖ"га ўтмайман.
Қайси лигада ўйнашни истайман? Англия. Бу мамлакатни севаман. "Барселона"нинг қизиқиши менга ёқяпти, аммо бу ҳақдаги гаплар мен учун фойдали эмас", - дейди Маҳрез.