«Ювентус» кеча Италия чемпионлигини расмийлаштирди. Мазкур скудетто «бьянконери» дарвозабони Жанлуижи Буффон учун фаолиятидаги еттинчиси бўлди.
Бу Италия чемпионатлари тарихидаги иккинчи кўрсаткич ҳисобланади. Шунингдек, Гаэтано Ширеа, Роберто Беттега (иккиси – «Ювентус»), Алессандро Костакурта, Паоло Мальдини (иккиси – «Милан»), Чиро Феррара («Наполи», «Ювентус») ҳам А серияда 7 мартадан ғолибликни қўлга киритишган.
Фақат 3 футболчи 8 мартадан скудеттога эга чиқишган: Жованни Феррари, Жузеппе Фурино ва Виржинио Розетта.