"Ростов"нинг эронлик ҳужумчиси Садор Азмун 2018 йилда Россияда бўлиб ўтадиган жаҳон чемпионатида ростовлик ишқибозларнинг кўз ўнгида ўйнаш орзуси ҳақида гапирди. Ўзбекистон терма жамоасининг сўнгги саралаш босқичидаги рақиби Эрон термаси ҳужумчиси россиялик журналистларга интервью берди.

- Терма жамоангизга тез-тез чақирилиб турасиз. рон термасидаги ролингиз ҳақида айтиб беринг.

- Менинг асосий вазифам - голлар уриш ва терма жамоамга фойда келтириш. Ахир мен ҳужумчиман ва айнан шу ишни бажаришим керак.

- Эрон ЖЧ-2018 саралашининг сўнгги босқичига йўл олди...

- Яқинда қуръа бўлиб ўтди.Бизга кучли гуруҳ тушди, аммо биз барибир ундан чиқишимиз керак. Бизга бутун Эрон мухлислик қилади, уларни уялтириб қўймаслигимиз керак.

- Ҳозир Ростовда жаҳон чемпионати ўйинларини қабул қиладиган стадион қурилмоқда. Шу ерда ўйнашни хоҳлармидингиз?

- Жудаям. Бу фантастик сценарий бўлар эди. Ростов-Дон менга ўз шаҳримдай бўлиб қолган. Мени яхши билан мухлислар қаршисида ўйнаш жуда зўр иш бўлар эди.