Испания чемпионатининг 36-тури доирасида "Бетис"га қарши бўлиб ўтган ўйинда "Барселона" ҳужумчиси Луис Суарес жамоасининг икки голидан бирини ўз ҳисобига ёзиб қўйди. Ушбу баҳсда Лионель Месси ҳар иккала голга ассистентлик қилди.

Уругвайлик футболчининг Ла лиганинг ушбу мавсумидаги голлари сони 35тага етди. У "Аякс" таркибида Голландия чемпионатининг 2009/10 йилги мавсумида шунча гол уришга муваффақ бўлганди. Бу Суарес учун миллий чемпионатлардаги энг яхши натижа ҳисобланади.

Шунингдек, ҳужумчи Европанинг кучли 6та чемпионатлари орасида мазкур мавсумда энг кўп гол урган футболчи бўлиб турибди. Унинг энг яқин таъқибчиси Златан Ибраҳимович 34та гол урган.

Самарали узатмалар ҳақида тўхталадиган бўлсак, кечаги ўйиндан кейин Мессининг ушбу мавусумдаги голли узатмалари сони 15тага етди. У Ла лига ассистентлари рўйхатининг биринчи поғонасини Луис Суарес билан бўлишиб турибди.