Бугун ОЧЛ-2016 сўнгги тур ўйинлари бўлиб ўтишидан хабарингиз бор, албатта. Унда “Локомотив” ва “Бунёдкор” ҳаракат қилишидан ҳабардорсиз. Кишини ҳафа қиладиган тарфи шундаки, кеча “Пахтакор” ва “Насаф” ОЧЛ-2016даги юришларинга якун ясади. Бугун “қалдирғочлар” ҳам сўнгги басҳда майдонга чиқишади. Энди бизни фақат ва фақат “темирйўлчилар” овута олишади. Чунки уларда кейинги босқичга чиқиш имконияти юқори. Андрей Микляев жамоаси бир оёғи билан 1/16 финал раундида турибди.
Кеча “Локомотив” – “Ал Наср” учрашуви олдидан бўлиб ўтган матбуот анжуманида меҳмонлар устози бу беллашувдан сўнг икки жамоа катта эҳтимол билан биринчи ва иккинчи ўринларни банд этишади, деб айтиб ўтди. Агар ҳақиқатдан ҳам шундай бўлса, барча рози. Лекин “Локо”ни дуранг қониқтиради, дуранг учун ўйнаса ҳам бўлади, деб ҳаракат қилиш хато бўлиши мумкин. Чунки “Локомотив”нинг кейинги босқичга чиқиш эҳтимоли юқори. Шу билан биргаликда гуруҳда қолиб кетиш вариянти ҳам йўқ эмас.
Агар “Локомотив” бугун ҳар қандай ҳисобда мағлубиятга учраса, “Ал Иттиҳод” ғалабага эришса, тошкентликлар гуруҳ босқичида қолиб кетишлари мумкин. Чунки “Локомотив” ва “Ал Иттиҳод”нинг ўзаро ўйинларида бир хил 1:1 ҳисоби қайд этилган. Ҳозирча тўплар фарқи ҳам +3ни ташкил қилади. Бу эса яхшигина қалтис вазиятни юзага келтиради.
|
№ |
Жамоалар |
Ў |
Ғ |
Д |
М |
Т/Ф |
О |
|
1 |
Локомотив |
5 |
2 |
3 |
0 |
6-3 |
9 |
|
2 |
Ал Наср |
5 |
2 |
2 |
1 |
5-4 |
8 |
|
3 |
Ал Иттиҳод |
5 |
1 |
3 |
1 |
7-4 |
6 |
|
4 |
Сепаҳон |
5 |
1 |
0 |
4 |
2-9 |
3 |
Буни албатта, ҳеч ким истамайди. Чунки “Локомотив” ўз майдонида ҳаракат қилади ва ғалаба қозонади. Қолаверса, кейинги мавсумда Ўзбек клубларига ажратиладиган квоталар сони нисбатан кўпроқ берилиши учун курашиши керак бўлган ягона жамоа бўлиб ўтурибди. Бу йўлда “темирйўлчилар”га омад тилаб қоламиз ва бугун фақат ғалаба қозонишади деб умид қиламиз.
Маълумот ўрнида, “Локомотив”нинг “Ал Наср” билан Дубайдаги биринчи ўйинида 1:1 ҳисоби қайд этилган. “Ал Иттиҳод” эса ўз майдонида “Сепаҳон”ни йирик 4:0 ҳисобида таслим этган. Бугун ушбу рақибларнинг жавоб баҳслари бир хил 20:00да старт олади.
