Олий Лига 9-тури доирасидаги "Локомотив" (Тошкент) – "Пахтакор" (Тошкент) учрашуви 13 майдан 12 май кунига кўчирилди. Мазкур ўзгариш, "Локомотив" клубининг Осиё Чемпионлар Лигаси плей-офф учрашувларига жиддий тайёргарлик кўришини таъминлаш мақсадида амалга оширилди.
Эслатиб ўтамиз, Тошкентнинг "Локомотив" клуби Ўзбекистон клублари орасида Осиё Чемпионлар Лигаси плей-офф босқичига чиқа олган ягона жамоа бўлди. Гуруҳ босқичини муваффақиятли якунлаган "Локомотив" клуби Осиё Чемпионлар Лигаси – 2016 нимчорак финалида Саудия Арабистонининг "Ал Ҳилол" клубига қарши ўйнайди.
Жамоалар ўртасидаги биринчи ўйин 17 май куни Саудия Арабистони пойтахти Ар Риёд шаҳрида бўлиб ўтса, жавоб учрашуви Тошкентда 24 май куни бўлиб ўтади.
