Олий лига 9-туридан ўрин олган “Нефтчи” – “Обод” (1:0) баҳсидан сўнг фарғоналиклар устози Андрей Фёдоров ўз фикрлари билан ўртоқлашди:
- Бугунги ўйинда биз учун жудаям оғир ўтди. Энг муҳими ғалаба қозониш вазифаси эди ва биз буни уддаладик. Футболчилар майдонда қўлдан келганча ҳаракат қилишди. Уларга раҳмат айтаман. Тан олиш керак, камчиликлар бор. Хатолар устида ишлаймиз. Очиғи, ўтган турдаги натижалар йигитларга қўшимча босим юклаяпти. Уларни руҳлантиришга ҳаракат қиляпман. Айнан шу жараёндан тикланиш мураккаб кечмоқда.
- “Нефтчи”да шижоат йўқ? Юқорида таъкидлаб ўтганимдек, кетма-кет муваффақиятсизликлар футболчиларнинг ўйинига таъсир кўрсатган. Тўғри хатолар кўп бўлди. Тўпни бир-бирига ошириш борасида футболчиларим кўп хатога йўл қўйишди. Камчиликлар устида ишлашда давом этамиз.
- -“Обод” клуби ҳақида гапирадиган бўлсам, яхши шаклланган жамоа ҳисобланади. Умуман олганда улар менда яхши таассурот қолдирди. Фақат Тошкент клубига 2-3 нафар тажрибали футболчилар зарур деб ҳисоблайман. Уларга кейинги баҳсларда омад тилайман, - деб фикрларини якунлади Фёдоров.
