"Арсенал" жамоаси посбони Петр Чех Англия чемпионатининг жорий мавсумида 16 та "қуруқ" ўйин ўтказиб, АПЛда энг кам гол ўтказган дарвозабонларга бериладиган "Олтин қўлқоп" совринига эга бўлди.
Ушбу мукофотга, шунингдек, "Манчестер Юнайтед" дарвозабони Давид Де Хеа ҳам даъвогарлик қилганди. Бироқ, "Борнмут"га қарши (3:1) учрашувнинг сўнгги дақиқасида Крис Смоллинг автогол муаллифи бўлди ва исапниялик посбоннинг "қуруқ" серияли ўйинлари сони 15 талигича қолиб кетди.
Қайд этиш керакки, Чех тўртинчи бор "Олтин қўлқоп" мукофотига лойиқ бўлди. "Манчестер Сити" дарвозабони Жо Хартда ҳам шудди шунча "Олтин қўлқоп" мавжуд.