Хабарингиз берганимиздек, эртага Осиё Чемпионлар Лигаси 1/8 финал босқичи жавоб учрашувлари доирасида Тошкентнинг “Локомотив” клуби Саудия Арабистонининг “Ал Ҳилол” жамоасига қарши баҳс юритади.
Бугун ҳар икки жамоа устозлари иштирокида матбуот анжумани ўтказилди. Шунингдек, кечки пайт ҳар икки клуб ҳам ўйинолди расмий машғулот ўтказишди. SPORTS.uz жамоаси доимгидек ушбу жараённи бевосита воқеа жойидан кузатди.
Дастлаб меҳмонлар шуғулланишган бўлса, соат 19:00дан бошлаб “Локо” футболчилари ҳам расмий машғулотни ўтказишди.
Мураббийлар штаби эртанги баҳсга жамоани яхши тайёрлашга уринишди.
Футболчиларнинг кайфиятлари чоғ.
Лекин шу ўринда уларнинг масъулиятни ҳам ҳис этиб турганликларини таъкидлаш жоиз.
Барча “темирйўлчилар” машғулотда қаттиқ ишлашди.
Дарвозабонлар ҳам эртанги учрашувга шай ҳолатда!
Жасур Ҳасановнинг “патентлаб” олган ушбу табассуми эртага ишқибозларга ғалаба тақдим этишга ваъда бермоқда!.
