Машъал жамоаси ўтган мавсумда анчагина сермаҳсул ўйин намойиш этгани кўпчиликнинг ёдида бўлса керак, жамоа бу йилги мавсумда ҳам мухлисларда ёмон таассурот қолдираётнани йўқ. Аммо натижага келганда омад жамоамиздан очиқчасига юз ўгирмоқда!

Биргина мисол, жамоамизнинг асосий тўпурар футболчиси Зоҳир Қўзибоевнинг Олий Лига ўйинларида гол ура олмай келаётганига ҳам бир йилдан ошди. Зоҳир сўнги бор ўтган мавсумда, аниқроғи, 9-май санасида «Бухоро» жамоасига қарши кечган учрашувда рақиб дарвозасига тўп киритган эди. Ўша ўйинда 2:2 ҳисобидаги дуранг натижа қайд этилган ва жамоадар бир очкодан бўлишиб олишгани ҳам ҳамманинг ёдида. Мана бир йилдирким, Қўзибоев учун ёқимсиз «қуруқ» серия давом этиб келмоқда.

Биз бу билан футболчини ўйнай олмаяпти демоқчи эмасмиз, ахир «Машъал»жамоасининг кўплаб голлари ва ютуқларига у ҳам каттагина хиссасини қўшиб келмоқда. Гол ура олмаяпти, аммо майдонда тиним билаётгани йўқ.

Умид қиламизки, 28-май куни Олмалиқ шаҳрида «Олмалиқ» жамоасига қарши бўладиган учрашувда Зоҳир Қўзибоев рақиб дарвозасини ишғол эта олади ва «Машъал» учун муҳим бўлган очколарни рақибдан тортиб олинишига ўз ҳиссаини қўшади. Зоҳирга ва «Машъал» жамоасига кейинги ўйинларда омад ва зафарлар тилаб қоламиз.