Биласиз, 2 июнь куни Тошкентдаги "Бунёдкор" стадионида Ўзбекистон ва Қирғизистон терма жамоалари ўртасида ўртоқлик учрашуви ўтказилиши керак эди. Аммо ЎФФ ташаббуси билан ушбу ўйин бекор қилинди ва терма жамоамиз якундаЭкваториал Гвинея билан ўйнайдиган бўлди.
Таъкидлаш жоизки, олдинроқ қирғизлар 2 июнда Ливан билан ҳам ўйнамоқчи бўлишганди. Лекин Ўзбекистон томони ҳам, Ливан ҳам қўшниларимиз билан ўйинни бекор қилишди. Сўнгги маълумотларга қараганда Қирғизистон терма жамоаси 2 эмас, балки 7 июнь куни халқаро ўртоқлик учрашуви ўтказади. Рақиб эса айни пайтда Осиё термалари орасида ФИФА рейтингида етакчи бўлиб турган Эрон термаси бўлади. Ҳар икки томон ҳам ушбу маълумотни тасдиқлашди.
Таъкидлаш жоиз, Эрон терма жамоаси миллий термамизнинг Жаҳон чемпионати-2018 саралашининг учинчи босқичидаги рақиби саналади. Ўзбекистон Эрон билан 6 октябрь куни ўйнайди. Учрашув катта эҳтимол билан “Бунёдкор” ўйингоҳида бўлиб ўтади.
