Хабарингиз бор, "Атлетико" жамоаси аъзоси Фернандо Торрес ҳуқуқий жиҳатдан "Милан" жамоасига тегишли ва у Мадрид клубида ижара асосида тўп сурмоқда.
2014 йил августида "Милан" сафига қўшилган футболчи 2015 йил январигача Мланда бўлди ва 10 ўйинда майдонга тушиб 1 та гол уришга муваффақ бўлди. Омадсиз ўтган ярим мавсумдан сўнг Эль-Нино ўзининг собиқ жамоасига қайтишга қарор қилди. "Милан" билан шартномаси кейинги ойда ўз якунига етади ва Торрес кўринишидан Италияга қайтмоқчи эмас. Бироқ, бугун у "Атлетико" билан бирга Милан шаҳрида Европа Чемпионлар лигасида "Сан Сиро"да майдонга чиқади.
Торреснинг "Милан"даги даврида ишлар тўғри йўлга қўйилмаганидан пуаймонлиги ҳақида Адриано Галлиани Mediset нашрига берган интервьюсида айтиб ўтди.
"Биз ишларимизни тўғри йўлга қўя олмаганимиздан ва яхши бажара олмаганимиздан пушаймонман. Айнан биз сабаб Торрес ўзининг севимли жамоасига қайтишни истади. Унинг бугунги муваффақиятини кўриб хурсандман. У яхши инсон ва кучли футболчи" дейди Галлиани.
