“Насаф” – “Бунёдкор” учрашувидан кейинги матбуот анжуманининг биринчи қисмида ОАВ вакиллари саволларига “қалдирғочлар” устози жавоб қайтарди.

- Учрашув қизиқарли ва томошабоп бўлди. Қаршига ғалаба учун келгандик. Афсуски, ютиб турган ўйинимизда якунда дуранг билан чекландик. “Насаф” яхши жамоа. Уларни яхшилаб ўрганиб чиққандик ва шунга қараб ўз ўйинимизни туздик. Ўйлайманки, ёмон ҳаракат қилмадик. Ғалабага кўпроқ биз ҳақли эдик, деб бемалол айта оламан. Бизга қандайдир омад етишмаяпти. Шу каби марказий ва муҳим учрашувларда ғалаба қозона олмаяпмиз. Бугун ҳам бир нечта голли вазиятлар содир этиб, атиги битта гол урдик холос. Камида 2-3та вазиятдан фойдаланишимиз керак эди. Ҳужумкор ўйинимиздан ҳеч ҳам чекинмаймиз, - дейди Сергей Иванович.